A Xunta declara o castelo da Rocha Forte Ben de Interese Cultural

O Diario Oficial de Galicia recolle hoxe a resolución pola que se inscribe o castelo da Rocha Forte (Santiago de Compostela) no Rexistro de Bens de Interese Cultural de Galicia. O castelo figura na documentación desde o século XIII e foi obxecto de varias campañas arqueolóxicas que revelaron as súas fases construtivas e un importante conxunto arquitectónico e de obxectos de época medieval, desde armas ou proxectís ata obxectos da vía cotiá que revelan o seu uso como residencia señorial dos arcebispos de Santiago. A delimitación do novo ben cultural é a establecida previamente no plan especial de protección e acondicionamento do parque arqueolóxico da Rocha Forte do Concello de Santiago. A resolución prevé ser actualizada en función de novos achados arqueolóxicos que puideran modificar o perímetro e a área de protección.