O Parque Arqueolóxico do castelo da Rocha Forte inicia a súa tramitación na Xunta

Aínda que o estado actual da Rocha Forte leva a pensar que ficou no esquecemento das políticas municipais, o seu plan especial vén de iniciar a súa tramitación administrativa na Xunta. O Plan contempla a creación dun Parque Arqueolóxico ao redor da emblemática fortaleza da Mitra compostelana, pero tamén a edificación dun centro de interpretación e a recuperación de parte da rede viaria que desde Compostela levaba a Noia e a Pontevedra e que dá o sentido estratéxico da fortaleza.