O traspaso da titularidade do castelo de Monterrei do Goberno Central á Xunta de Galicia acaba de ter o seu primeiro efecto: o desbloqueo do plan de rehabilitación. O proxecto comezará a executarse este ano e supón iniciativas como a creación dun museo de fortalezas militares que ocupará o Pazo dos Condes; a creación dun centro de intercambio institucional entre Galicia e o norte de Portugal para a investigación e difusión das relacións transfronteirizas ou a recuperación do poboado da fortaleza para usos como a vivenda, aproveitamentos turísticos e comerciais.
