Ponte... nas ondas! opta ao Rexistro de Boas Prácticas de Salvagarda da UNESCO

Os embaixadores de España e Portugal ante a UNESCO, António Nóvoa e Juan Andrés Perelló Rodríguez, asinaban este 25 de marzo o acordo para presentar de xeito conxunto a candidatura de Ponte... nas Ondas! ao Rexistro de Boas Prácticas de Salvagarda da UNESCO, na categoría de Patrimonio Cultural Inmaterial. O organismo internacional iniciará agora o proceso de valoración desta candidatura e está previsto que emita o seu ditame o vindeiro mes de novembro de 2022.

A candidatura coincide cos 25 anos da proposta de radio escolar transfronteiriza e conta co apoio da Xunta de Galicia. O rexistro da UNESCO recoñece iniciativas de defensa do patrimonio que considera de interese para ser consolidadas e expandidas.