Baixo o título Filosofía e Civilización Dixital a XXXVII Semana Galega de Filosofía pretendía no ano 2020 afondar en como as tecnoloxías mudaron nas últimas décadas a estrutura da sociedade. A situación impediu a súa celebración tanto en abril comas en setembro e a Aula Castelao de Filosofía que a organiza decidiu manter o tema e trasladar o programa íntegro para a súa celebración este ano. Coas situacións provocadas pola covid-19 estas cuestións aumentan se cabe a súa vixencia e as datas veñen de confirmarse será entre o 5 e o 9 de abril cando se celebre o veterano evento nun formato reducido cuxa programación final será presentada nas próximas semanas e que desta volta estará estruturada por unha sesión matinal e outra de tarde, en lugar de por tres diarias e combinarán a asistencia presencial, cunha capacidade limitada, no Teatro Principal, coa posibilidade de seguir as diferentes conferencias a través da rede. A Aula Castelao de Filosofía encara esta edición da Semana con novo coordinador, Alexandre Cendón González, substituíndo a Ana Ruth Regueira García, que a exerceu durante sete anos. Cendón e profesor de Filosofía no ensino secundario.
