Os comúns centrarán a XXXV Semana Galega de Filosofía

Entre os vindeiros 2 e 6 de abril, Pontevedra acollerá a XXXV edición da Semana Galega de Filosofía. O encontro que organiza a Aula Castelao de Filosofía celebrarase nesta xeira baixo o lema Filosofía e o Común co filósofo e sociólogo César Rendueles como principal nome. Canda a el, o programa, feito público hoxe, inclúe conferencias como a da teórica feminista Silvia Federici, a do investigador e musicólogo Pablo Carpintero, a de Xosé Lois Vilar ou a de María Eugenia Rodríguez Palop. Segundo adiantou Ana Regueira da Aula Castelao, a elección do "común, a comunidade, o público, o colectivo" como tema quere servir tamén para "facer unha reivindicación da historia da aula".