A Semana Galega de Filosofía abordará o futuro da Ría de Pontevedra dentro da súa análise da sustentabilidade

Nun momento no que a polémica polo futuro da factoría de ENCE na Ría de Pontevedra está nun dos seus puntos álxidos, a Aula Castelao de Filosofía anuncia que a XXII Semana Galega de Filosofía abordará esta cuestión. Centrado na sustentabilidade, este encontro celebrarase a partir do vindeiro vinteoito de marzo na cidade do Lérez e contará coa presenza de autores coma o filósofo Yann Moulier ou o arquitecto César Portela.

Máis información en Galicia Hoxe e no web da Aula Castelao