Cuberta da revista
Co gallo do Día de Rosalía, a Fundación Rosalía de Castro publicou e subiu á rede para libre descarga o número 5 da súa revista de estudos rosalianos Follas Novas, que desta volta incorpora interesantes artigos ao redor da obra de Rosalía. Pilar García Negro reflexiona ao redor da visión de Galicia e de clase social en "Emilia Pardo Bazán. Notas para un debate necesario". Aurora López e Andrés Pociña recompilan no texto "Rosalía de Castro: intentos de asasinato durante a Guerra Civil (1936–1939) a presenza literaria da autora durante o conflito. E María de los Ángeles Rodríguez Fontenla estuda a "mitificación e rostrificación da imaxe fotográfica" de Rosalía de Castro, entre moitos outros contidos.
