Matarile Teatro publica na rede os arquivos de En pé de pedra

O Festival Internacional de Danza para Paseantes desenvolveuse en Compostela entre 1995 e 2007

Malinkiodato en En pé de pedra. Foto de Ángela Soleimán. Fonte: Matarile Teatro
Malinkiodato en En pé de pedra. Foto de Ángela Soleimán. Fonte: Matarile Teatro
A compañía Matarile Teatro acaba de publicar no seu web os arquivos do festival En pé de pedra, que a entidade organizou en Compostela entre 1995 e 2007 desde a Sala Galán. O novo espazo na rede recolle programas, fotografías, material de prensa e, en breve, vídeos de todas as edicións desta cita, que marcou un fito na danza contemporánea do noso país. Este Festival Internacional de Danza para Paseantes reuniu ao longo da súa historia 90 compañías que actuaron en prazas, rúas e recintos abertos da cidade, conseguindo cifras extraordinarias nun evento deste tipo no noso país, a reunir na última xeira 16.000 persoas.