As Cabanas de Albeida levan o Premio de Arquitectura e Urbanismo do CSCAE

O Consello Superior dos Colexios de Arquitectos de España recoñecía este 26 de xaneiro un proxecto galego nos seus galardóns estatais de arquitectura e urbanismo. As Cabanas de Albeida, complexo turístico situado no Concello de Outes e deseñado polos arquitectos Alfonso Salgado e Francisco Liñares, recibiu un dos premios anuais que outorga esta entidade, que tamén recoñeceu as Directrices de Ordenación Territorial del País Vasco.



O complexo conta con tres edificacións tradicionais rehabilitadas e nove cabanas elevadas que se integran coa vexetación do entorno. Segundo o fallo, os proxectos galardoados "comparten os valores arquitectónicos cos de sustentabilidade de optimización de recursos, e aspiran ao reequilibrio entre o hábitat urbano e natural, como prescriben os obxectivos da "Axenda 2020" da ONU, acadando así a dupla excelencia en benestar e confort das persoas e calidade do contorno construído". Do proxecto galego destaca que "optimiza recursos de forma práctica xerando unha arquitectura posible e sustentable. Sitúase no lugar con respecto, cunha implantación mínima sobre el terreno". Ademais, considera que o conxunto aproveita os recursos ao máximo e dá lugar a "resultados óptimos de forma harmonizada".