O xacemento do Trega é un dos sitios arqueolóxicos galegos que levan máis tempo a ser escavados arqueoloxicamente. Un novo proxecto do concello da Guarda quere "recuperar e consolidar" as áreas máis antigas escavadas -algunhas intervidas xa en 1910- para facelas visibles. O proxecto, dirixido polo arqueólogo Brais Currás, do EST-AP do CSIC, consta de cinco anualidades nas que se traballará nesa recuperación de zonas hoxe abandonadas, o mantemento do conxunto das estruturas excavadas, a investigación no coñecemento arqueolóxico dese espazo e a creación de contidos destinados a divulgación. O proxecto incluirá as prácticas para cinco estudantes do máster en ArqueoloxÃa e Ciencias da Antigüidade da USC.
