É un dos museos máis antigos de Galicia e foi fundado por unha sociedade civil dedicada á recuperación do castro de Santa Trega en 1917. O Museo Arqueolóxico de Santa Trega (SAMAT) cumpre cen anos cunha exposición que amosa a súa evolución desde a fundación ata hoxe, e que tamén ofrece pezas arqueolóxicas en contexto, tanto do propio sitio arqueolóxico como doutros da época, destacando a relevancia do castro do Trega e a súa relación con outros castros do territorio. A exposición poderase visitar ata o 27 de agosto na Casa dos Alonso da Guarda.
