Con conversas avanzadas para mercar os terreos nos que se asenta o depósito arqueolóxico, o Concello de Pontedeume prevé recuperar e escavar o Castro de Centroña. A iniciativa considera unha primeira fase de escavación e valorización deste depósito, que se complementará despois coa solicitude de que o mesmo se declare Ben de Interese Cultural. O espazo será o eixe dunha ruta polos restos arqueolóxicos do concello. Para a escavación e recuperación do complexo, o concello contará co alumnado do Mestrado en ArqueoloxÃa e Ciencias da Antigüidade da Universidade da Coruña, que poderán desenvolver as súas prácticas neste espazo.
