O Santuario de Nosa Señora das Angustias, en Ferrol, verá ao longo das vindeiras doca semanas obras de restauracion por valor de 114.000 euros. A Consellería de Cultura anunciou este 20 de xaneiro a licitación do contrato para uns traballos que se centrarán en eliminar as humidades que sofre este templo do século XVIII.
Segundo adianta a Consellería, está prevista "a construción dunha cámara bufa, a impermeabilización de puntos críticos, a renovación dos revocos con morteiro de cal, a substitución puntual da cuberta de tella, así como diversos tratamentos de limpeza, consolidación e pintado do monumento". O santuario é un elemento catalogado incluído no planeamento de Ferrol e situado nas proximidades do Camiño Inglés a Santiago.
