Ao longo das vindeiras semanas está previsto que comecen as obras de restauración de cubertas na capela da Venerable Orde Terceira, na Coruña. Este conxunto do século XVIII recibirá un investimento de 550.500 euros da Consellería de Cultura para pór fin aos problemas de humidades que lle afectan.
O proxecto, que se desenvolverá ao longo de dez meses, pretende rematar con problemas de seguridade estrutural e estanquidade da cuberta das edificacións anexas á capela. A vivenda, a sancristía e o almacén verán unha substitución da cuberta existente por unha nova composta de taboado de madeira de castiñeiro, con placas de fibrocemento e tella curva.
As obras implican tamén unha baixada da cota do cumio da sancristía e do almacén, a axeitar a pendente da cuberta á normativa e descubrir ocos de fiestras existentes na fachada. Limpeza e paramentos instalación de canlóns e baixantes, substitución de xanelas ou actuación sobre a instalación eléctrica son outras das tarefas previstas no proxecto.
