160.000 euros para a restauración de San Pedro de Vilanova de Dozón

Intervención sobre humidades, cubertas e carpintería exterior serán algunhas das accións que se levarán a cabo na restauración da igrexa monástica de San Pedro de Vilanova do Dozón, unha das máis delicadas obras do románico rural galego e o único edificio que se conserva dun antigo mosteiro de monxas do século XII. A restauración suporá un investimento de 160.000 euros e se centrará en deter as humidades, revisar as drenaxes, limpar as fachadas e a revisión e substitución das carpinterías exteriores e elementos interiores que se atopan en mal estado.