Andrade en Bonaval. Imaxe do Museo do Pobo.
As celebracións previstas para homenaxear o arquitecto Domingo de Andrade botan a andar neste 2021 logo do adiamento das iniciativas no pasado ano, cando se lle dedicou o Dia das Artes Galegas. O Museo do Pobo Galego acollía na tarde deste 14 de xaneiro a presentación de Andrade en Bonaval, un libro no que o fotógrafo Juan Feáns retrata en imaxes tridimensionais o traballo deste creador no mosteiro compostelán, co acompañamento dunha introdución de María Xosé Fernández Cerviño.
Publicado polo propio Museo e mais co Consorcio de Santiago, "con esta publicación búscase poñer en valor a obra do arquitecto barroco máis importante da súa época,1a través da súa pegada no conxunto de San Domingos de Bonaval". Para alén das imaxes en 3D a obra inclúe fotografías convencionais, planos do edificio, debuxos de diferentes elementos arquitectónicos creados polo autor e citas de especialistas sobre os traballos recollidos.
