Torre da Berenguela. Fonte: Turismo.gal
A Academia Galega de Belas Artes A Nosa Señora do Rosario, acordaba esta fin de semana dedicarlle o vindeiro Día das Artes Galegas ao arquitecto Domingo de Andrade. O deseñador da torre da Berenguela da Catedral de Santiago e doutras obras destacadas como o convento de San Domingos de Bonaval ou a sacristía da catedral de Lugo será homenaxeado o vindeiro un de abril como un arquitecto galego de proxección universal. Na sesión plenaria que se celebrou este sábado, a Academia acordou tamén incorporar como membro numerario da súa sección de música o compositor Juan Durán e nomear académicos de honra a fotógrafa Cristina García Rodero e mais a José María Lafuente, creador do Arquivo Lafuente sobre arte.
