Unha exposición de Agalería explora a pintura de mulleres "para diminuir a desigualdade"

David Barro e Diego Cascón comisarian a nova mostra virtual de Agalería, o espazo electrónico de Afundación para a exhibición de arte. A nova exposición, dispoñible ata o vindeiro 28 de marzo, titúlase "Mirar de novo: a muller contra o tempo" e busca destacar que nos últimso tempos as "artistas mulleres cobraron unha maior influencia e reescriben a historia para construír liñas de tempo e relacións entre obras, movementos e décadas". A mostra está composta por obras de artistas mulleres das coleccións de Abanca e Afundación xunto con outras obras de artistas convidadas, para "trastocar a narrativa hexemónica, axudando a diminuír a desigualdade".