A exposición [Es] Pazo Meirás amosa a historia deste monumento e da súa recuperación

O Obelisco da Coruña acolle desde a mañá desde o 4 de decembro e ata o vindeiro día 19 a exposición [Es] Pazo Meirás. Esta iniciativa da Comisión pola Recuperación da Memoria História A Coruña co apoio do Concello fai un repaso pola historia deste monumento, desde os usos que tivo antes de pasar a mans da familia Franco ata o actual proceso que procura o seu retorno a mans públicas. A proposta, artellada en cubos expositivos, fai un percorrido gráfico sobre o proceso polo que o conxunto acabou en mans do ditador, a atender aos diferentes fitos e personaxes que marcaron a historia deste monumento.

A coincidir con esta inauguración, o pleno do Concello da Coruña aprobaba este día tres apoiar que o conxunto se transforme nun centro dedicado á memoria histórica do país, sen prexuízo de que poida atender tamén á figura de Emilia Pardo Bazán. Na moción aprobada proponse tamén que a xestión do pazo sexa consorciada entre Xunta, Deputación da Coruña e Concello de Sada.