Casa Cornide. Wikimedia Commons. Autor: Zarateman
O pleno do Concello da Coruña aprobou onte unha moción do grupo municipal do BNG para iniciar accións legais de cara a recuperar a titularidade da Casa Cornide. Este Pazo de estilo barroco fora adquirido nunha poxa pública en 1962 por Pedro Barrié de la Maza quen llo cedeu á familia Franco, en cuxas mans continúa. A moción aprobada onte considera que este proceso foi fraudulento e supuxo un espolio para a cidade. Ademais, o texto reclama que o Concello se persoe como parte interesada no proceso xudicial que está aberto de cara a conseguir que o Pazo de Meirás volte a titularidade pública.
