A quinta edición do Festival Internacional e Certame de Creación de Dúos e Solos SóLODOS EN DANZA/OURENSE terá lugar entre os días 3 e 5 de decembro en Ourense. Debido ás circunstancias derivadas nesta ocasión a programación celebrarase en liña a través de Facebook Live na páxina da Plataforma Cultural SóLODOS. Durante o Festival presentaranse seis obras de creadores novos españois, finalistas do Certame de Creación de Dúos e Solos; catro obras das compañías convidadas Peace of Mind, Colectivo Sin Par, Violeta Iriberri e Arnau Pérez; celebraranse diversos foros e serán outorgados tres premios tras a celebración da final do Certame de Creación Dúos e Solos.
Artistas de Galicia, Cataluña, Andalucía, Aragón, Madrid e convidados de Costa Rica, México e Francia compoñen a programación destes tres días. A coreógrafa e bailarina Alejandra Balboa, de Pontevedra, porá a presenza galega no certame con Vertebrata, "unha viaxe emocional na que o corpo é movido polo ruído que o habita" que xorde dunha investigación co coreógrafo Luis Marrafa. O festival e certame actúa coma plataforma de promoción xa que a coreografía gañadora do certame realizará unha xira por Costa Rica no ano 2021, ademais o Certamen Coreografico de Madrid programará unha das pezas finalistas o día 9 de decembro de 2020 no Teatro do Centro de Creación Contemporánea Conde Duque e tamén o Certamen Internacional de Coreografía Burgos New York seleccionará unha das pezas finalistas de Sólodos En Danza 2020.
Artistas de Galicia, Cataluña, Andalucía, Aragón, Madrid e convidados de Costa Rica, México e Francia compoñen a programación destes tres días. A coreógrafa e bailarina Alejandra Balboa, de Pontevedra, porá a presenza galega no certame con Vertebrata, "unha viaxe emocional na que o corpo é movido polo ruído que o habita" que xorde dunha investigación co coreógrafo Luis Marrafa. O festival e certame actúa coma plataforma de promoción xa que a coreografía gañadora do certame realizará unha xira por Costa Rica no ano 2021, ademais o Certamen Coreografico de Madrid programará unha das pezas finalistas o día 9 de decembro de 2020 no Teatro do Centro de Creación Contemporánea Conde Duque e tamén o Certamen Internacional de Coreografía Burgos New York seleccionará unha das pezas finalistas de Sólodos En Danza 2020.
RESUMO SóLODOS En Danza Ourense 2019 from Galicia Danza Contemporánea on Vimeo.
