O Culturgal acolle o vindeiro domingo 29 de novembro a presentación oficial de
Os berros da motocicleta. Kiko da Silva ao guión e Pablo Prado como debuxante asinan esta banda deseñada que publica o Concello de Pontevedra no marco do seu programa
A memoria das mulleres. A obra narra a represión que sofreu Josefina Arruti a partir da Guerra Civil polo feito de ser muller de Bibiano Fernández Osorio-Tafall, alcalde republicano de Pontevedra. O Concello prevé distribuÃr esta BD por centros de ensino e bibliotecas.
Pola súa banda Aira Editorial acaba de presentar a segunda edición de
Madialeva. Menos dun ano despois do seu lanzamento nunha autoedición finanaciada por crowdfunding, a editora engade ao seu catálogo a obra de Ana Moreiras sobre o rural galego e a vida das mulleres neste ámbito. Presentado como "unha novela gráfica sobre as voces baixas da nosa historia recente", o tÃtulo abre a nova colección "Mulleres Ilustradoras", que propón BD con perspectiva de xénero.
