Bibiano Fernández-Osorio Tafall, o republicano galego que chegou a ser subsecretario da ONU conta desde hoxe cunha biografía en vídeo. Este documental, realizado polo historiador José Antonio Durán preséntase hoxe no Consello da Cultura Galega en Compostela e mañá no Café Moderno de Pontevedra. A cidade do Lérez tamén homenaxea esta tarde ao galeguista cun acto que celebra o aniversario do seu nacemento e cunha mostra fotográfica. O vídeo sobre Tafall foi patrocinado polo Consello da Cultura Galega e polo Servizo de Publicacións da Deputación de Pontevedra.
Máis información no web do Consello da Cultura e en Galicia Hoxe
