Como parte das celebracións polo centenario do edificio, o Centro Dramático Galego acaba de pór en marcha o programa Os segredos do Salón Teatro. Esta iniciativa propón unha serie de visitas virtuais para centros de ensino á sede da entidade en Compostela. No transcurso do percorrido guiado poderán coñecerse "o peite, os camerinos, a xastrerÃa, a cabina de control e demais espazos que non adoitan abrirse ao público". A actividade estará aberta á participación do alumnado e ademais achegará unha aproximación á historia do teatro profesional galego, tanto a través da propia historia do edificio como do traballo do Centro Dramático Galego.
