Carlos Ares durante a súa comparecencia
O Parlamento de Galicia reunía onte a Comisión non permanente especial de estudo sobre a reactivación económica social e cultural de Galicia pola crise da Covid-19. Se ben a sesión matinal estaba dedicada a comparecencias sobre a educación con, entre outros, os reitores das tres universidade galegas, na tarde foron convocados axentes do sector cultural para poñer ante as súas señorías as súas situacións e propostas. Mamen Quintas, xerente da produtora audiovisual independente Ficción Producciones, e Carlos Ares ex-presidente da Academia Galega do Audiovisual, socio da produtora Zopilote e guionista fixeron as súas exposicións e contestaron as preguntas das representantes dos partidos da cámara. Nos dous casos as comparecencias facíanse a representación individual, xa que, malia que Ares estaba substituíndo a Berta Ojea, que non puido acudir en representación da Unión de Actores, pero no seu caso non pertencía a esa organización nin actuaba de xeito delegado de ningunha concreta, coma el mesmo quixo aclarar. A súa exposición fóra, iso si, elaborada con múltiples achegas de diversos axentes do sector cultural a nivel persoal ou asociativo, traendo as súas voces e reclamacións ante a mesa da Comisión parlamentaria.
Como experta no audiovisual á fronte dunha das produtoras máis importantes arestora de Galicia, con varios traballos en produción este ano, Quintas expuxo inicialmente a situación do audiovisual galego, coma un sector en expansión, ben posicionado a nivel estatal e cun volume de traballo importante para despois pasar a explicar as dificultades que supuxo a chegada da pandemia aos procesos en marcha, sobre todo nas fases de rodaxe de series coma 3 Caminos. A produtora foi explicando as medidas que puxeron en marcha e os protocolos que crearon para manter a produción, presumindo da enorme capacidade de adaptación amosada para non deixar caer os traballos. A produtora alcanzou a predicir que as cifras que amosará a actividade audiovisual este 2020 serán similares ás de calquera outro ano e que o sector galego, a nivel técnico, non tiña bolsas de desempregados neste momento. Quintas afirmou que as axudas públicas que serían benvidas por ela serían as de incentivos fiscais á produción e aquelas que servisen para impulsar a actividade e axudar nos gastos extra que supoñen as medidas de seguridade sanitaria, máis que aqueles dedicados a reducir perdas ou manter empresas sen actividade. Ademais a produtora sinalou a importancia das achegas que se fan desde a TVG e Agadic á produción que, segundo ela, debería alcanzar ao 30% do orzamento das producións máis pequenas e o 10% no caso daquelas máis ambiciosas. A produtora solicitou tamén por parte do Goberno galego a creación dunha Film Comissión de Galicia para captar rodaxes no país e dos lexisladores a redacción dunha Lei do Audiovisual Galego que se elaborase en concordancia coas lexislacións estatal e europea.
Declaración da Cultura coma Ben esencial
Na súa exposición, Carlos Ares tiña unha longa lista de propostas e peticións que abarcaban desde as máis inmediatas para tomar mentres dura a situación de emerxencia sanitaria ata outras de características estruturales e del alcance medio e longo. A cabalo de todos os alcances aínda que marcada polas urxencias estaría a de que o Parlamento de Galicia declarase a cultura coma un ben esencial, de primeira necesidade, ao fío do que xa ocorreu noutros países do contexto europeo. Ares tamén puxo sobre a mesa unha reivindicación de todas as actividades culturais que inclúen a exhibición pública neste momento, que é a do aumento das capacidades mínimas dos recintos culturais ata o 50%, coma no caso dos lugares de culto, para permitir a viabilidade económica de concertos, danza, teatro ou exhibición cinematográfica. Eta petición fíxose co argumento incontestable da seguridade que demostraron os actos culturais en todo momento durante a pandemia, que noi foi posta en dúbida polas representantes dos partidos, No mesmo sentido Ares reclamou a declaración de interese cultural dos espazos públicos e privados destinados á cultura e a reapertura en concreto das salas de concertos separándoas dos locais de ocio nocturno. O guionista tamén insistiu na necesidade de liñas de axudas directas aos propios creadores, escritores, músicos, guionistas, etc. Nese sentido urxíu ao lexisladores galegos a desenvolver normativamente o Estatuto do Artista aprobado por unanimidade nas Cortes do Estado en xaneiro de 2019.
Declaración da Cultura coma Ben esencial
Na súa exposición, Carlos Ares tiña unha longa lista de propostas e peticións que abarcaban desde as máis inmediatas para tomar mentres dura a situación de emerxencia sanitaria ata outras de características estruturales e del alcance medio e longo. A cabalo de todos os alcances aínda que marcada polas urxencias estaría a de que o Parlamento de Galicia declarase a cultura coma un ben esencial, de primeira necesidade, ao fío do que xa ocorreu noutros países do contexto europeo. Ares tamén puxo sobre a mesa unha reivindicación de todas as actividades culturais que inclúen a exhibición pública neste momento, que é a do aumento das capacidades mínimas dos recintos culturais ata o 50%, coma no caso dos lugares de culto, para permitir a viabilidade económica de concertos, danza, teatro ou exhibición cinematográfica. Eta petición fíxose co argumento incontestable da seguridade que demostraron os actos culturais en todo momento durante a pandemia, que noi foi posta en dúbida polas representantes dos partidos, No mesmo sentido Ares reclamou a declaración de interese cultural dos espazos públicos e privados destinados á cultura e a reapertura en concreto das salas de concertos separándoas dos locais de ocio nocturno. O guionista tamén insistiu na necesidade de liñas de axudas directas aos propios creadores, escritores, músicos, guionistas, etc. Nese sentido urxíu ao lexisladores galegos a desenvolver normativamente o Estatuto do Artista aprobado por unanimidade nas Cortes do Estado en xaneiro de 2019.
