O guionista Carlos Ares elexido presidente da Academia do Audiovisual

Durante os vindeiros dous anos o guionista Carlos Ares é o novo presidente da Academia Galega do Audiovisual, en substitución do actor Antonio Mourelos. O novo presidente, que encabezou a única candidatura presentada, destacou que que "a Academia debe ser a casa de todos. Ten que ser un caxato no que todas as persoas que traballamos no audiovisual galego poidamos apoiarnos para facer camiño xuntos. Debe ser un punto de representatividade, de unión de todos e de todas".


Dende o 8 de maio a xunta directiva está tamén composta pola actriz Tamara Canosa e o músico e compositor Nani García como vicepresidentes. O director Dani de la Torre; o actor Antonio Durán Morris; o documentalista Manolo González; a xornalista e presentadora Irene Lourido; a produtora Luisa Romeo González; a actriz María Vázquez; e a produtora e xornalista María Yáñez Anllo completan o novo equipo.

Durante a Asemblea, Carlos Ares puntualizou que "temos que dinamizar, promover, fomentar o coñecemento do noso cine, a nosa televisión e outras disciplinas audiovisuais, o noso patrimonio audiovisual, a nosa cultura en definitiva, entre a sociedade".