Quiosco: Mazarelos 3

A Revista de historia e cultura aborda desde os videoxogos á vida de Sofía Casanova na súa última entrega

Está xa na rúa o número de tres de Mazarelos. Revista de historia e cultura, correspondente aos meses entre novembro de 2020 e xaneiro de 2021. O índice da nova entrega da publicación recolle unha ampla variedade temática, que vai de artigos sobre a industria e a cultura dos videoxogos no país ata un repaso da figura de Sofía Casanova, correspondente en cinco guerras. O papel da igrexa católica durante a ditadura dominicana, a cátedra Xosé Neira Vilas da Habana ou as identidade arquitectónicas nas periferias peninsulares son outros contidos do número. Unha entrevista a Miguel Cajigal e Manuel Gago ou un texto literario de Francisco Álvarez Koki fan tamén parte da publicación.