A primeira páxina da banda deseñada 2132, coa que Diego Blanco gañou o IV Certame de Banda Deseñada sobre o Teatro Galego abre a nova entrega da Revista Galega de Teatro, que acaba de ver a luz. A entrega número 77 da publicación, correspondente ao inverno de 2013 achega varios artigos sobre o traballo de Roberto Vidal Bolaño e aborda tamén a figura do dramaturgo Urbano R. Moledo. Repaso de festivais, crítica de diferentes espectáculos ou unha entrevista a Marcos Abalde fan tamén parte do número.
