Está xa nos quioscos, desde mediados deste mes o novo número, e van 76, da Revista Galega de Teatro. A entrega presta unha especial atención ao fenómeno do microteatro en Galicia, dedicándolle tres temas a diferentes manifestacións desta tendencia. Ademais, un artigo aborda a relación de Roberto Vidal Bolaño co independentismo e outro analiza o libro de Roberto Pascual sobre este autor. Unha entrevista con Claudio Tolcachir e outra con Javier de Prado, a axenda e recensións sobre as últimas estreas completan o volume.
