As entidades galegas presentan as súas programacións para o Día do Patrimonio

Achégase o 16 de novembro, o Día do Patrimonio Mundial instituído pola UNESCO, e as diferentes entidades de xestión, preservación e difusión do patrimonio cultural galego presentaron as súas programacións para celebrar a data. Pola súa banda, os centros públicos de memoria, como Arquivos, Museos ou outras institucións públicas, presentaron como xa é habitual a súa iniciativa para visibilizar de maneira conxunta as súas actividades, a través dun sitio web promovido polo Consello da Cultura Galega e agrupadas baixo a etiqueta #diadopatrimonio. Por outra banda, a Rede do Patrimonio Cultural presentou un ciclo de conferencias en liña sobre arqueoloxía e antropoloxía a cargo de Xurxo Ayán, Rafael Quintía e Celtia Rodríguez. Horarios e programa pódense consultar no facebook da Rede do Patrimonio Cultural.