É a primeira vez que museos, bibliotecas e arquivos de Galicia, públicos e privados, de diferentes localidades galegas, xúntanse para promocionar de maneira conxunta o legado que atesouran nas súas coleccións. E fanno no Día do Patrimonio, unha iniciativa conxunta de 14 entidades que foi presentada hoxe no Consello da Cultura Galega a partir da celebración instituída pola UNESCO. Unha web permite consultar as diferentes iniciativas, presenciais ou dixitais, que todos estes centros deseñaron para que o público coñeza as súas coleccións. Visitas guiadas, xornadas de portas abertas, pezas destacadas, dixitalización de documentos e outras actividades para que os galegos poidamos coñecer os nosos arquivos, museos e bibliotecas.
