Patrimonio abre dilixencias pola carreira que atravesou o castro do Trega

O pasado 12 de outubro as redes sociais comezaron a arder pola publicación dunhas fotografías nas que se vían a uns corredores saltando por riba dos muros do castro do Trega, en A Guarda. Eran participantes no Trail do Trega, unha carreira de catorce quilómetros que anualmente percorre o monte. A Dirección Xeral de Patrimonio informou onte de que abriu dixilencias informativas para "determinar as circunstancias nas que se produciu o trail do Trega", trala denuncia feita pola Asociación para a defensa do Patrimonio (Apatrigal). Os responsables da organización do Trail pediron desculpas e atribuíron o problema ao forte vento que moveu as balizas.