A 25 edición do Festival Cinespaña, que se celebra na cidade francesa de Toulouse, rematou este 11 de outubro cunha importante presenza galega no seu palmarés. Lúa Vermella de Lois Patiño obtivo a Violeta de Ouro ao mellor filme desta edición, e foi ademais recoñecido co premio á mellor fotografía e cunha mención especial do xurado ao cineasta novo. Pola súa banda, Eloy Enciso obtivo unha mención especial do xurado na categoría de ficción polo seu traballo Longa noite, que tamén foi recoñecido co mellor deseño sonoro.
