Hoxe comezaron nas proximidades da igrexa parroquial de Proendos (Sober) as escavacións do que pode ser un dos máis importantes vestixios de época romana na Ribeira Sacra. En xaneiro deste ano presentáranse os espectaculares resultados dunha prospección arqueolóxica con xeorradar e gradiómetro que desvelaban que por baixo de diversas fincas da localidade estendÃase toda unha traza urbana na que eran recoñecibles elementos habituais das vilas romanas, como ábsidas, zonas de pavimentos, camiños, edificios de almacenamento ou mesmo zonas termais. Agora, os arqueólogos de Tempos Arqueólogos realizarán cinco sondaxes para verificar sobre o terreo o localizado a través destas técnicas e recoñecer o estado dos restos, nunha intervención arqueolóxica contratada pola Xunta de Galicia e estimada en case 18.000 euros.
