Cultura remata a primeira fase de restauración de Santa Baia de Palio

A primeira fase de restauración da igrexa lalinense de Santa Baia de Palio rematou cunha xornada de portas abertas que permitiu ao público contemplar as pinturas ata o momento cubertas pola cal no interior. Trátase de restos dun programa pictórico de finais do século XV na nave e do século XVI no presbiterio. As obras de recuperación das pinturas comezaron en xaneiro. Na segunda fase de restauración, acometeranse outras obras nos paramentos e nas tribunas. Ata o momento, o departamento autonómico de Cultura leva investidos máis de 200.000 euros na restauración da igrexa e das súas pinturas.