As obras de restauración de San Vicente do Pino amosan novas pinturas

As obras de recuperación e restauración da igrexa do mosteiro de San Vicente do Pino, en Monforte, permitiron revelar unha serie de pinturas murais inéditas ubicadas tras o retablo maior da igrexa. As pinturas atópanse en bo estado de conservación e amosan elementos figurativos e entre eles, a imaxe dun Cristo. A igrexa atópase en proceso de restauración na súa integridade, incluíndo as pinturas murais xa coñecidas, a través do Instituto de Patrimonio Cultural de España e o programa Xacobeo de conservación e posta en valor de bens culturais.