Os traballos de restauración da igrexa de Proendos en Sober recuperan os murais do século XV e unha fiestra románica

A restauración dos murais do século XV da igrexa de Proendos na comarca de Monforte comezou neste mes de agosto e ten previsto o seu remate a mediados de setembro. Para esas datas as especialistas contratadas pola Dirección Xeral de Patrimonio terán recuperado as pinturas de gran valor artístico que ten este templo no seu frontal e nos laterais do presbiterio con escenas bíblicas. O retablo barroco que cubría algún dos murais tamén precisa restauración, así como outros dous retablos laterais tras dos cales sospéitase que tamén pode haber murais. Estes traballos tamén serviron para descubrir a existencia dunha fiestra románica que será restaurada nesta mesma fase.
Máis información en El Progreso