Programar o duplo de sesións para cada sección, non contar con cineastas internacionais, reducir capacidade ou prescindir das visitas escolares son algunhas das medidas coas que comeza este 11 de setembro a décima terceira edición do FIC Bueu. O festival de curtametraxes desenvolverase ata o vindeiro día 19 a incluír a nova sección Escolas Internacionais, un apartado dedicado á comedia e un especial protagonismo do cinema galego, cunha charla sobre o filme Ons e un encontro coa actriz Melania Cruz, galardoada nesta xeira.
O programa de proxeccións contará con máis de 80 curtas de todo o mundo. Entre as actividades paralelas destaca un monólogo de Manuel Manquiña, a presentación da primeira entrega dos Cadernos FICBUEU, dedicada á nouvelle vague, sesións de música ao vivo ou unha ruta de tapas.
