Unha captura da app
A Fundación Barrié publicou unha app e un web que permiten explorar o Pórtico da Gloria da catedral de Santiago en formato gigapixel, isto é, unha fotografía en súper alta resolución que permite explorar o Pórtico a unha gran proximidade. Para realizar esta imaxe gigapixel realizáronse 2.700 fotografías. A maiores, a app inclúe contidos explicativos do proceso de restauración e dos instrumentos representados. A app é de balde e xa está dispoñible para iPhone e iPad. Para Android estará dispoñible proximamente. O web tamén xa está aberto.
