Viñetas desde o Atlántico confirma a celebración da súa nova xeira

Ainda que pendentes do desenvolvemento da situación sanitaria da Coruña, o festival de banda deseñada Viñetas desde o Atlántico confirma polo momento a súa nova edición. O programa, que se presentou este venres 7 de agosto achega unha edición reducida e centrada na BD infantil e xuvenil que se desenvolverá entre os días 17 e 23 deste mes. Agustín Ferrer, Pau, Alessandro Barbucci, Enrique Vegas e Xulia Vicente, autora da BD Elisa e Marcela do Consello da Cultura Galega, son os nomes que farán parte desta nova edición como convidados.

Canda ás mostras dos seus traballos, haberá unha exposición dedicadas a Katie O’Neill, outra con traballos das principais editoras estais de cómic para público non adulto (Cúpula, Astronave, Astiberri, Mamut e Nuevo Nueve) e unha última que recolle os premios Castelao de Alberto Vázquez e Martín Romero. Tony Sandoval asina o cartel desta vixésimo terceira edición.

A organización deixa pendente o programa sinaturas e de encontros cos autores e mantén no programa as actividades da Rúa da BD, que se desenvolverán con medidas de seguridade contra a Covid-19 e segundo o permita a situación sanitaria.