Imaxe da presentación da estela funeraria da Illa Coelleira
O Concello do Vicedo presentou onte o que promete ser un importante achado sobre o antigo mosteiro situado na Illa Coelleira. No marco das investigacións arqueolóxicas que se están a facer na zona descubriuse unha estela funeraria de pedra cunha grande cruz de tres brazos horizontais e varias outras gravadas en diferentes caras da peza. Segundo destacou o investigador Iñaki Sagredo, responsable da escavación, non hai rexistros de pezas semellantes e o achado outórgalle unha nova importancia ao mosteiro, coa posibilidade de que este complexo fose maior do que se pensaba. As investigacións arqueolóxicas continúan na illa.
