Foi unha iniciativa fundamental para a recuperación da cultura e lingua galegas despois do franquismo, e este 25 de xullo fixo 70 anos. A editorial Galaxia foi fundada en Santiago de Compostela na data do Día Nacional de Galicia, en 1950, por un grupo de intelectuais que buscaban recuperar a actividade pública da cultura galega trala catástrofe da Guerra civil. Agora, o número 225-226 da revista Grial define a Galaxia como un "proxecto estratéxico" e presenta un dossier asinado por Antón Vidal, Víctor F. Freixanes, Malores Villanueva e Dolores Vilavedra, entre outros contidos.
