180 concellos contarán este ano con axudas do programa Ler Conta Moito, de dinamización da lectura nas bibliotecas e axencias de lectura públicas de titularidade municipal, e que supoñen un investimento de case 200.000 euros. Son 227 os centros beneficiados, que deberán seleccionar a programación a partir das propostas do programa Ler conta moito para executar ata final de ano.
