Aberto o prazo da nova edición de 'Ler conta moito'

O Diario Oficial de Galicia publica hoxe unha nova convocatoria de axudas para a dinamización da lectura nas bibliotecas públicas galegas, dentro do programa "Ler conta moito". O monto total da axuda ten a mesma contía que en edicións anteriores, case 200.000 euros, destinados a financiar ata o 75% do custe total da actividade dinamizadora. As bibliotecas públicas para as que se conceda subvención deberán programar un mínimo de dúas actividades das incluídas no catálogo Ler conta moito 2022.