Restauran a basílica de Santa María a Maior de Pontevedra

A Xunta adxudicou as obras de restauración da considerada primeira igrexa de Pontevedra, a basílica de Santa María a Maior, asociada ao gremio de mareantes da cidade e declarada monumento xa na década dos 30, aparte de Ben de Interese Cultural de Galicia. A intervención "permitirá corrixir o deterioro deste inmoble e restaurar elementos ornamentais de carácter singular" por un importe de 275.000 euros. A maior parte da intervención se centrará nas cubertas e na eliminación de humidades e potenciais vías de filtración de auga.