A Xunta acaba de abrir o concurso para licitar a restauración da basílica de Santa María a Maior de Pontevedra, un dos edificios relixiosos emblemáticos de Pontevedra e de factura maiormente no século XVI. as obras afectarán a limpeza e corrección de alteracións na fachada, na solución de problemas de estanquidade nas cubertas e na mellora da seguridade nos accesos a estas. O importe de licitación é de 500.801 euros e supón un incremento de 30.000 euros con respecto á convocatoria anterior, de xullo deste ano, que ficara deserta e sen empresas que concorreran. O incremento ten por obxectivo facilitar o interese das empresas.
