Emma Ríos opta por terceira vez a un premio Eisner

A organización dos premios Eisner, considerados os Óscar da banda deseñada, acaban de presentar a listaxe de candidaturas á súa nova edición. Entre elas, atópase a autora galega Emma Ríos, que por terceira vez opta a un destes galardóns. Desta volta, a arousá compite na categoría de mellor capa polo seu traballo na última entrega da serie Pretty Deadly, a mesma coa que xa fora finalista a estes galardóns en dúas edicións anteriores. Ríos creou a serie con guión de Kelly Sue DeConnick en 2012 e desde aquela o título está a ser publicado na editorial estadounidense Image.