Ilustración de capa de Pretty Deadly
Dous galegos optan este ano a recibir un dos Premios Eisner, considerados os Oscar da banda deseñada americana. A serie Pretty Deadly que Emma Ríos debuxa en Image acumula catro candidaturas, entre elas as de mellor debuxante e mellor portadistas para a autora da Arousa. A estas súmanse as de mellor guión e mellor cor para os seus colaboradores no proxecto. Pola súa banda, José Domingo é candidato ao premio á mellor edición estadounidense de material estranxeiro coas súas Aventuras de un oficinista japonés. Canda aos dous galegos unicamente un español, David Aja, está presente nas candidaturas.
