A autora arousá Emma Ríos recollía o pasado día 15 en Compostela o Premio Internacional de Manga, na categoría Bronce, que recibiu pola seu traballo na serie Pretty Deadlycanda a guionista Kelly Sue DeConnick. O Ministerio de Asuntos Exteriores de Xapón convoca anualmente estes galardóns para recoñecer os traballos que contribúen á difusión internacional do manga. Precisamente o dúo de autoras publica o vindeiro mes de novembro un novo arco argumental desta aclamada serie na editora americana Image. Para decembro, e tamén nesta casa, sairá o primeiro volume de Mirror, un arco argumental que a arousá guioniza dentro da serie 8th House. Para rematar a finais deste mes de outubro sairá á venda en Estados Unidos a cuarta entrega da revista Island, que Ríos codirixe.
